Abah Jepra: "Ari Cecep Gorbacep mah geus puguh budak lembur ge nyarahoeun, sabarang manehna jadi persiden, tapi masih aya deui tokoh-tokoh dunya nu asalna ti Tatar Sunda."
Mang Uho: "Kutan kitu? Saha bae tah?"
Abah Jepra: "Diajar internetan geura ambeh loba kanyaho mah. Ulah ngan ukur apal ka Edah Jubaedah, Heni Juhaeni jeung Kesih Sukaesih wae, tapi urang ge kudu nyaho ngaran-ngaran Sunda nu sohor, model Donald McDonald, Patrick Kilpatrick, jeung sajabana."
Mang Uho: "Ooooooh. Hebat euy Abah mah, loba kanyaho."
Abah Jepra: "Sabarang wawuh jeung Bah Google we. Tapi aya keneh pananya Abah nu can kajawab ku Bah Google teh."
Mang Uho: "Naon?"
Abah Jepra: "Ngeunaan tokoh Sunda nu ayeuna keur nanjung ngaranna, Podolski."
Mang Uho: "Ku naon kitu?"
Abah Jepra: "Ari tanggal lahirna, indung-bapana, lemburna, jeung sakolana mah aya catetanana. Nu euweuh kateranganana teh, naon sababna manehna disebut Podolski."
No comments:
Mohon komentari dengan sopan